Прокурор талап арызымен алданған үлескерлерге «Тамыз инвест групп» компаниясының аяқталмаған құрылыс нысандары берілді

14 маусым 2017 Версия для печатиВерсия для печатиPDFPDF

Ағымдағы жылдың 13 маусымында астаналық экокномикалық сотының шешімімен, залал шеккен азаматтардың пайдасына қала прокурорының екі талап арызы қанағаттандырылды.

«Пана Комфорт» ТҮҚК-нің мүддесіне енгізілген талап арыздың қаралу нәтижесі бойынша жосықсыз құрылыс салушылар «Молодая семья» ТҮҚК-і және «Адал иншаат» ЖШС-нен («Тамыз инвест групп» АҚ-мен байланысты мекеме) 190 миллион теңге өндіріліп, аяқталмаған «Пана» тұрғын көмплексі жер телімімен үлескерлерге берілді.

Сол сияқты, аталған сотпен қала прокурорының «Имбейс» ТҮҚК-нің мүддесіне еңгізілген талап арыз қанағаттандырылып, «Капитал строй сервис» ЖШС-нен 680 миллион теңге өндіріліп, қолданысқа берілмеген «Гранитный» ТК-і үлескерлер пайдасына берілді.

Қазіргі таңда, аталған тұрғын-үй құрылыс кооперативтерінде құрылысты аяқтайтын құрылыс салушыларды шақыру және ТК-ін қолданысқа енгізу мүмкіндігі туды.

Көп кәсіпкерлердің сұраулары бойынша қала прокуратурасы әкімдікпен бірлесе отырып «аяқталмаған құрылыс объектілерінің Жәрмеңкесі» ұйымдастырылып, тұрғын үй кешендері құрылыс ұйымдарына таныстырылады.

 

 

Астана қаласы прокуратурасының баспасөз-қызметі

Пікірлер

Жаңа пікірді жазу